前日星期日，原本應該出去上堂。不過朝早起身又唔太 舒服，無出去啦。 小狸子咁耐冇見，放假返來香港就拉左佢出去玩。下午 有Ｄ雨，隻野竟然唔帶遮，最好只好奉獻左把遮出來，自己 洗個面。 小狸子話想飲咖啡喎，許留山隔離又執左，最後唯有去 Ｍ記啦，順便食左個餐。第一次知道，原來薯條係點糖＋茄 汁，厲害，還挺新鮮。一邊食一邊聽小狸子介紹佢Ｄ朋友比 我識，又拿左佢Ｄ相出來睇。最有印象既係佢３個好朋友， １男２女，分別為『親愛的』，ＳＭ女王和面包妹妹。 食完野，小狸子話企下幫助消化，我就提議游『輕鐵河』， 一直係屯市飛到出去元郎。出到去，陪小狸子買衫睇帽，最後 只係買左２件平平地既衫。中途有幾件衫小狸子好像挺喜歡， 可是沒得試身，也沒有帶走了。 
買完衫落去，小狸子就見到間化妝品店，走入去搵白色眼線 筆。搵來搵去，要人地全部拿哂出來睇，最後竟然係．．．無。 行呀行，小狸子咩都話要影相，拿住我部手機當相機咁用。  經過『三寶』店，小狸買完之後話唔記得影相，又走返轉頭影。 行左去個商場，天呀！熱死人啦！個商場重熱個條街，立即投 降走人。 在『尋找肉體的涼快』一行中，我地終於搵到Ｂ仔涼粉啦。 
叫左２個甜品，上到來，準備起動。突然，一股強橫無比的 力量阻止我，說要影相。我恨！   吃完冰凍甜品後，就乘車回去啦。是福不是禍，小狸子竟然 沒忘記貼紙相一事，最後被乖乖拉了去影相。靠！也不顧我卑微 的自尊心。 之後買左幾枝野飲，坐係沙灘傾計。海風輕送，聽濤浪湧。 嘿嘿．．．飲左兩枝，一時興起，小狸子被我強．．．強．．． 強迫舞蹈表演，ＳＨＯＷ一下舞技，也不錯ＭＡ ！！ 小狸子，吃了這麼多，哥是在讓你消消脂，不必感謝我。 １２：００左右，掟左佢返屋企才回家。回去後，累啊！都 不想動。不過，好久沒這麼出去玩了，好高興啊～！～小狸子， 哥之後再想想帶你那玩。 --------------------------------------------------------------------------------------------------- | 
